Cyffredinol

Darllenwch y dudalen hon yn Saesneg

Dechreuwyd ymgynghoriad ar 21 Tachwedd, gan archwilio opsiynau ar gyfer newid calendr yr ysgol. Nod newidiadau yw gwella lles dysgwyr a staff a chefnogi addysgu a dysgu, gyda’r gwyliau wedi ei ddosbarthu yn fwy cyson. Byddai’r newid cyntaf yn creu pythefnos o wyliau hanner tymor yn yr hydref, gan leihau toriad yr haf o wythnos. Ni fydd nifer y diwrnodau addysgu na’r gwyliau yn newid.

Yn y podlediad hwn, mae penaethiaid o ysgol gynradd, uwchradd ac ysgolion 3-19 yn trafod yr effeithiau a’r goblygiadau posibl i staff addysgu, disgyblion a rhieni. Cadeirydd y drafodaeth yw Tegwen Ellis, Prif Weithredwr Academi Genedlaethol ar gyfer Arweinyddiaeth Addysgol Cymru (NAEL).

Gwrandewch ar eich platfform dewisedig isod:

Apple podcasts 

Spotify

Spreaker

Neu ar gyfer unrhyw ffôn symudol, defnyddiwch y ‘ddolen hud’ hon.

Daw’r ymgynghoriad i ben ar 12 Chwefror. Gellir dod o hyd iddo yma.

Darllenwch y dudalen hon yn Saesneg

Bydd Grŵp Polisi Cwricwlwm i Gymru newydd yn gweithio i oresgyn yr heriau sy’n wynebu ymarferwyr fel chi wrth i chi weithredu Cwricwlwm i Gymru. Mae’n cynnwys ymarferwyr o wahanol fathau o ysgolion a lleoliadau ledled Cymru.

Bydd y grŵp yn cyfarfod tua unwaith y mis a bydd y gweithdai yn canolbwyntio ar:

• Cyd-ddatblygu polisi
• Llywio a hyrwyddo’r Rhwydwaith Cenedlaethol
• adolygu a diweddaru canllawiau Fframwaith Cwricwlwm i Gymru

Dros amser, bydd cydweithwyr eraill yn gallu ymuno â’r grŵp. Os ydych chi’n gweithio mewn ysgol neu leoliad sy’n defnyddio’r Cwricwlwm i Gymru ac yn angerddol am weithio gydag eraill i gyd-greu atebion, cwblhewch y Ffurflen Mynegi Diddordeb er mwyn cael eich ystried ar gyfer y rhestr wrth gefn.

Darllenwch y dudalen hon yn Saesneg

Yn ddiweddar, cyhoeddodd Llywodraeth y DU ganllawiau drafft i ddisgyblion traws ar gyfer ysgolion yn Lloegr. Ni fydd yn berthnasol i ysgolion yng Nghymru.

Bydd gan Gymru ei chanllawiau ei hun, ac mae Llywodraeth Cymru yn gweithio’n agos gydag arweinwyr ysgolion, ymarferwyr ac ystod eang o randdeiliaid ar ei datblygiad. Bydd y canllawiau drafft yn barod yn y gwanwyn a bydd ymgynghoriad cyhoeddus llawn ar y cynnwys.

Roedd darparu canllawiau cenedlaethol priodol i gefnogi plant a phobl ifanc traws mewn addysg yn ymrwymiad yng Nghynllun Gweithredu LHDTC+ Cymru, a gyhoeddwyd ym mis Chwefror 2023. Roedd y cynllun yn nodi ymrwymiad Llywodraeth Cymru i amddiffyn a hyrwyddo hawliau ac urddas pobl draws ac anneuaidd.

Mae arweinwyr ac ymarferwyr addysg wedi dweud yn glir bod angen canllawiau cenedlaethol arnynt i gefnogi plant a phobl ifanc traws ac anneuaidd i deimlo eu bod yn cael eu gwerthfawrogi a’u cynnwys, a’u bod yn ddiogel yn eu haddysg.

Darllenwch y dudalen hon yn Saesneg

Wrth i Gwricwlwm i Gymru barhau i’w gael ei gyflwyno, mae mwy a mwy o ysgolion a chydweithwyr yn gweithio gyda’i gilydd ar gyd-lunio cwricwla perthnasol a diddorol i’w disgyblion. Cafwyd hwyl a sbri – ynghyd â gwaith caled – wrth gydweithio i greu rhywbeth newydd.

Mae nifer o ysgolion hefyd wedi bod yn ddigon caredig i rannu eu straeon a helpu i   greu astudiaethau achos sy’n dangos y broses a’r daith – am ei bod hi’n daith – tuag at greu Cwricwlwm penigamp.

Diolch yn fawr iawn i chi gyd. I bob ymarferydd, pob gweithiwr addysg yng Nghymru, am eich gwaith a’ch angerdd sy’n fuddsoddiad sylweddol yn nyfodol ein pobl ifanc.

Mwynhewch y Nadolig, a bydded i eiriau dwy seren ffilm astudiaeth achos diweddar (am athrawon sy’n dychwelyd i Gymru i addysgu) adleisio wrth i derfyn y tymor agosau.

Gyda diolch i ddisgyblion a staff Ysgol Gymunedol Trimsaran.

Mae’r adran astudiaeth achos ar Hwb yma

Darllenwch y dudalen hon yn Saesneg

“Dwi’n dysgu lot, wrth wrando ar be’ mae pobl arall yn ‘neud.” 

Mae cyfres o weithdai ar y gweill, sy’n cynnig cipolwg gwerthfawr i ymarferwyr ar y dulliau y mae eraill yn eu defnyddio i sicrhau bod eu cwricwlwm yn cefnogi tegwch a chynwysoldeb i’w holl ddysgwyr, yn ogystal â rhannu eu profiadau nhw eu hunain.  Mae dyddiadau ar gael nawr ar gyfer digwyddiadau ym mis Ionawr a mis Chwefror, a gall ymarferwyr gofrestru gan ddefnyddio’r ddolen isod. 

Mae’r digwyddiadau’n cynnwys sesiwn farchnad i gyfarfod a chysylltu â sefydliadau yn eich rhanbarth sy’n gallu cefnogi staff a dysgwyr gydag agweddau ar degwch a chynwysoldeb. 

Darllenwch y dudalen hon yn Saesneg

Mae Oliver Stacey, Uwch Reolwr Cymwysterau gyda Cymwysterau Cymru, wedi bod wrth wraidd y gwaith o ddiwygio cymwysterau ar gyfer pobl ifanc 14 i 16 oed yng Nghymru. Mae’n myfyrio ar y dull cydweithredol a arweiniodd at ddatblygu’r cymwysterau newydd hyn, a’r camau nesaf ar y daith.

Bu newidiadau sylfaenol mewn addysg yng Nghymru yn ystod y blynyddoedd diwethaf. Mae’r Cwricwlwm i Gymru wedi arwain at newid mawr yn yr hyn y mae plant yn ei ddysgu a sut y cânt eu haddysgu. Felly, i gefnogi’r Cwricwlwm, rydym yn datblygu amrywiaeth o gymwysterau newydd a chyffrous, wedi’u cynllunio i sicrhau y bydd ein pobl ifanc yn gadael addysg yn gymwys ar gyfer y dyfodol.

Gweler neges debyg yn Saesneg

Am y tro cyntaf ers 2019 daeth benaethiaid ynghyd yng Nghaerdydd i glywed y Gweinidog Jeremy Miles annerch cynhadledd, gofyn cwestiynau iddo, a chymryd rhan mewn gweithdai dan arweiniad cyd-benaethiaid, ac yna cafwyd drafodaeth panel gan gynnwys Estyn, Cymwysterau Cymru, Cyngor Abertawe a’r Comisiwn Addysg Drydyddol ac Ymchwil.

Canolbwyntiwyd ar bynciau gweithdy ar ddysgu yn dilyn Covid wrth fynd i’r afael â pholisi dysgu 14-16 (cyn i’r ymgynghoriad cynnar yn 2024); dysgu sy’n gynhwysol, yn ddiddorol ac yn berthnasol ond sydd hefyd yn uchelgeisiol; ymgysylltu â theuluoedd; Arfer effeithiol mewn Anghenion Dysgu Ychwanegol; a lles penaethiaid. Mae’r holl sesiynau wedi’u recordio.

Gweler neges debyg yn Saesneg

Mae ymgynghoriad wedi dechrau ar 21 Tachwedd, gan archwilio opsiynau ar gyfer newid calendr yr ysgol. Nod newidiadau yw gwella lles disgyblion a staff a chefnogi addysgu a dysgu, gyda’r gwyliau wedi ei ddosbarthu yn fwy cyson. Byddai’r newid cyntaf yn creu pythefnos o wyliau hanner tymor yn yr hydref, gan leihau toriad yr haf o wythnos. Ni fydd nifer y diwrnodau addysgu na’r gwyliau yn newid.

Un rheswm dros y newid sy’n cael eu cynnig yw bod tymor yr hydref yn hirach na’r lleill. Mae gwaith ymchwil yn awgrymu bod y tymor hwn yn flinedig ac yn heriol i ddysgwyr a staff, gan fod mwy o addysgu yn cael ei wasgu i’r tymor hwn nag i unrhyw un arall.

Gweler neges debyg yn Saesneg

Crëwyd y Rhwydwaith Cenedlaethol gan Lywodraeth Cymru ynghyd ag ymarferwyr fel fforwm i drafod gweithredu ac ymarfer Cwricwlwm i Gymru. Mae’n cyfarfod eto ar 29 Tachwedd.

Bydd y sesiwn rithiol hon yn canolbwyntio ar ddatblygu dealltwriaeth gyffredin o gynnydd, gan ddefnyddio adnoddau sy’n cynnwys Deall y cwricwlwm ar waith: Camau i’r Dyfodol, a chynllunio cwricwlwm â chynnydd mewn golwg, gan ddefnyddio adnoddau a ddatblygwyd yn ystod prosiect peilot diweddar i gynllunio cwricwlwm: Peilot Cynllunio Cwricwlwm 2023.

Bydd cydweithwyr o bob rhan o Gymru yn cymryd rhan, a gall ymarferwyr gofrestru i ymuno yma: Sgwrs Rhydwaith Cenedlaethol Cwricwlwm a Chynnydd / National Network Conversation Cwricwlwm a Dilyniant

Isod, mae Ceri-Anwen James o Ysgol Bro Edern yn esbonio pam mae mynychu sesiynau’r Rhwydwaith Cenedlaethol mor fuddiol:

Gweler hefyd yr adnoddau o sesiynau blaenorol yma.

Darllenwch y dudalen hon yn Saesneg

Mae Adnodd, corff hyd braich newydd a fydd yn goruchwylio’r ddarpariaeth o adnoddau addysgol yng Nghymru, wedi penodi Emyr George fel ei brif weithredwr newydd cyntaf.

Wedi’i sefydlu yn gynharach eleni, Adnodd fydd y siop un stop ar gyfer adnoddau addysg dwyieithog. Bydd yn goruchwylio’r gwaith o gomisiynu a darparu deunyddiau addysgu a dysgu o ansawdd uchel i gefnogi’r Cwricwlwm i Gymru, a’r cymwysterau newydd ar gyfer dysgwyr 14-16 oed.

Bydd Emyr yn ymuno ag Adnodd yn gynnar yn 2024 o’i rôl bresennol fel Cyfarwyddwr Cymwysterau, Polisi a Diwygio Cymwysterau Cymru. Daw â chyfoeth o brofiad o bob rhan o’r sector addysg, gan gynnwys wyth mlynedd yn Cymwysterau Cymru a phrofiad blaenorol yn Ofqual – y rheoleiddiwr cymwysterau ac arholiadau ar gyfer Lloegr.

Yn fwy diweddar, mae Emyr wedi bod yn arwain diwygiadau proffil uchel i gymwysterau i gefnogi’r Cwricwlwm newydd i Gymru, gan gynnwys set newydd sbon o gymwysterau TGAU ‘Gwneud i Gymru’.