Darllenwch y dudalen hon yn Saesneg
Yn dilyn cyfnod o ddatblygu ar y cyd ac ymgynghori ag ymarferwyr, mae canllawiau’r Cwricwlwm i Gymru wedi’u diweddaru i gynnwys ‘Ymlaen â’r Daith‘, sy’n amlinellu ein disgwyliadau ar gyfer y gwaith parhaus o gynllunio cwricwlwm.
Er nad yw ein disgwyliadau ar gyfer cynllunio’r cwricwlwm wedi newid, mewn ymateb i sylwadau ymarferwyr rydym wedi gwneud y canllawiau’n fyrrach ac yn haws eu deall, ac wedi hwyluso’r gwaith o lywio drwyddynt.
Rhannwyd y canllawiau’n 4 maes:
- Diben: beth y dylai ein dysgwyr ei ddysgu a pham?
- Cynnydd: sut olwg fydd ar y cynnydd hwnnw mewn dysgu ar gyfer pob dysgwr?
- Asesu: sut ddylem asesu i wneud y cynnydd hwnnw’n bosibl?
- Addysgeg: Sut mae ein hymarfer o ddydd i ddydd yn cefnogi ein cwricwlwm?
Hefyd, mae cymorth sy’n hawdd cael gafael arno ar gael ar Hwb bellach, gan gynnwys:
- Llywio fframwaith y Cwricwlwm i Gymru – dogfen â hyperddolenni i helpu i lywio drwy’r canllawiau.
- Termau allweddol y Cwricwlwm i Gymru, Esboniad llawnach o dermau fel ‘themâu trawsbynciol’, ‘y pedwar diben’ ac ‘egwyddorion cynnydd’.
- Deall Gwaith Clwstwr: model ar gyfer gweithio mewn clwstwr i gefnogi cynllunio, trefnu, adolygu a mireinio’r cwricwlwm a’r broses asesu.
- Beth mae’n ofynnol yn gyfreithiol i ysgolion ei wneud ? Dealltwriaeth o ddyletswyddau gorfodol a statudol penaethiaid a chyrff llywodraethu.
- Asesu cynnydd dysgwyr – cymorth ymarferol ar gyfer cynllunio asesiadau
- Datblygu dealltwriaeth gyffredin o gynnydd.
- Dealltwriaeth gyffredin o gynnydd: cefnogi gwaith clwstwr
- Egwyddorion cynnyddPrinciples of progression: cefnogi hunanwerthuso a dealltwriaeth gyffredin o gynnydd.
- Amrywiaeth o adnoddau dysgu proffesiynol i gefnogi cynllunio cwricwlwm effeithiol.
Mae gwaith yn mynd rhagddo, gyda chymorth ysgolion, i ddarparu canllawiau wedi’u diweddaru ar bob un o’r meysydd dysgu a phrofiad.
Cadwch olwg am ragor o wybodaeth dros y misoedd nesaf.