Darllenwch y dudalen hon yn Saesneg
Trwy Hwb, mae gan bob ymarferydd mewn ysgolion a gynhelir yng Nghymru fynediad at ystod o offer ac adnoddau digidol.
Beth bynnag yw lefel eich sgiliau digidol neu wybodaeth – mae gan Hwb yr adnoddau a’r cymorth i’ch helpu i wneud y mwyaf o dechnoleg ddigidol.
Gall technolegau digidol wella profiadau dysgu drwy greu gweithgareddau gwersi arloesol a rhyngweithiol yn ogystal â galluogi athrawon i addasu eu harferion addysgu i weddu anghenion dysgwyr unigol.
Gŵyl Digi
Er mwyn helpu ymarferwyr i wneud y mwyaf o’r dechnoleg sydd ar gael, cynhelir Gŵyl Digi Hwb ar 2 Medi. Diwrnod llawn o sesiynau rhithwir ysbrydoledig wedi’u cynllunio ar gyfer athrawon yw hwn.
Drwy gydol y dydd, bydd cyfranogwyr yn dysgu am yr ystod o offer ac adnoddau digidol sydd ar gael drwy Hwb. Cynhelir dros 40 o sesiynau rhyngweithiol gan bartneriaid byd-eang fel Google, Microsoft, Apple, Adobe, Britannia, J2E, Common Sense Media, Flip, a Minecraft.
Ymunwch am y diwrnod cyfan neu dewiswch o’r ystod o sesiynau sydd ar gael. Gallwch gael rhagor o wybodaeth a chofrestru yma.
Hyfforddiant a chymorth parhaus
Ddim ar gael adeg Gŵyl Digi?
Gallwch barhau i fanteisio ar yr ystod o gyfleoedd hyfforddi sydd ar gael drwy Hwb.
Dyma rai o’r sesiynau sydd ar gael ym mis Gorffennaf:
- Diogelwch ar-lein yn fyw
- Hwb yn cyflwyno… Minecraft Education
- Sesiynau Byw Adobe Express